Alfredo Frega

(Ungër 1940 - Roma 2009)

Vdekja e Allfredhucit Frega (1940-2009) la Arbërinë pa fjalë. Gazetarìa arbëreshe bier një ndër punëtorët më të mirë, çë dij të rrëfienej me ekuilibër të rrallë ndodhìtë e Arbërisë kalabreze. Ungra qan një ndër bilt e saj më të dashur. Vdiq Rromë ndër 2 të theristiut, kish gjashtëdhjetenëndë (69) vjet. I butë e i qeshëm, ish një çë dij të shih mbatanë fjalëvet, dij të shuanej zjarret e polemikavet. Si aq e aq, Allfredhuci shkruanej pak o fare ndë gjuhë arbëreshe, po të folmen ungirnjote e dij e e folnej mirë. Çë kur ish trim, u shkrua tek Ucia, Shoqata e Bashkivet Arbëreshe, e atjè zu e shurbej për të mirën e Arbërisë; e pra tek Shoqata AIADI, ku luftoi për mësimin e gjuhës arbëreshe ndër skollat. Për dizet (40) vjet shurbei edhe si gazetar publliçist: shkruajti aq mbi Ungrën sa mbi Arbërinë, mbi rivista arbëreshe dhe xhurnele

lëtinj; dhe bëri shumë intervista e reportaxhe mbi botën arbëreshe. Pas daljes së Llexhës 482/99 zu e pa si kish t'bënej për të hapnej, mbi Rai-Tv-në rrexhonale, një rubrikë javore, si një Tg për Arbëreshët, po s'i vate mirë. Njetër inixjativë çë muar qe ajo e hapjes së Klubi-t të Gazetarëvet Arbëreshë, të cilit qe edhe president. Qe sekretar i Rrethit gazetaresk "Pollino-Sibaritide", anëtar i shoqatës Confemili, këshilltar i Provinçës së Kosenxës për pakicat gjuhësore kalabreze. Dhe krijues e drejtues i formatit "ArbëriaTVoccitana", program javor mbi Teleuropa Network

Me një fjalë, Allfredhuci mbajti lart, me mjeshtërí, fjamurin e gazetarisë arbëreshe, me shkrime, programe radiofonikë e televizivë. Qe një njerí i qetëm, i mirëdashur ka gjithë.

Arbëria qe malli dhe sëmundja e tij. (a.g.)

Da Jeta Arbëreshe

nr. 62, viti VIII / prill - theristí 2009

e-mail: jetarbreshe@libero.it - http://digilander.libero.it/jetarbreshe